சென்னை ஐஐடி கல்லூரியில் இரண்டாமாண்டு படிக்கும் மாணவி ஒருவர் நேற்று முன்தினம் (நவ.12) இரவு வளாகத்தில் நடந்து சென்றார். அப்போது அங்கு இருசக்கர வாகனத்தில் வந்த இளைஞர் ஒருவர் மாணவியிடம், இரவு நேரத்தில் தனியாக செல்ல வேண்டாம், பைக்கில் ஏறுங்கள் எனக்கூறி, அந்த நபர் தொடர்ந்து மாணவிக்கு தொல்லை கொடுத்துள்ளார்.
இதனால், ஆத்திரமடைந்த அந்த மாணவி காவலாளியிடம் இளைஞர் தவறாக நடக்க முயற்சித்தது குறித்து தகவல் தெரிவித்துள்ளார். இந்தத் தகவலின் பேரில் ஐஐடி வளாகத்தில் இருந்த சிசிடிவி காட்சிகளை ஆய்வு செய்தபோது, ஐஐடியில் பெயின்டராக பணியாற்றி வந்த வேளச்சேரி பகுதியைச் சேர்ந்த வசந்த் எட்வர்ட்(30) என்பவர், போதையில் மாணவியிடம் தவறாக நடக்க முயற்சி செய்தது தெரியவந்தது.