தடுப்பூசி நிறுவனங்களை மத்திய அரசு மிரட்டினால் போதும்- ப. சிதம்பரம்

சென்னை: கரோனா தடுப்பூசி விலையை நிறுவனங்கள் உயர்த்தியுள்ளதற்கு கடும் எதிர்ப்பு எழுந்துள்ள நிலையில், விலையை குறைக்கும் வழிமுறை குறித்து மத்திய முன்னாள் நிதியமைச்சர் ப.சிதம்பரம் யோசனை தெரிவித்துள்ளார்.

கரோனா தடுப்பூசிகளின் விலை ஏற்றம், மத்திய, மாநில அரசுகளுக்கும், தனியார் மருத்துவமனைகளுக்கும் வெவ்வேறு விலையை நிர்ணயம் செய்துள்ளது போன்ற பல்வேறு விஷயங்களுக்கு கடும் கண்டனம் எழுந்துள்ளது.

இதுதொடர்பாக மத்திய முன்னாள் நிதி அமைச்சர் ப.சிதம்பரம் ஈடிவி பாரத்திற்கு அளித்துள்ள பேட்டியில், இந்த செயல் சட்ட விரோதமானது என தெரிவித்துள்ளார். பெருந்தொற்று போன்று தேசிய பேரிடர்களில் இந்திய காப்புரிமை சட்டத்தில் 'compulsory licensing' எனும் பிரிவின்படி ஒரு நிறுவனத்தின் அறிவுசார் சொத்துரிமையை மற்ற நிறுவனங்கள் தயாரிக்க இடமுள்ளதாகவும், இதன்மூலம் கரோனா தடுப்பூசியின் விலை குறையும் என்றும் அவர் தெரிவித்தார்.

இந்தச் சட்டத்தைப் பயன்படுத்துவதாக மிரட்டினாலே உற்பத்தி நிறுவனங்கள் விலையைக் குறைக்கும் என ப. சிதம்பரம் கூறினார்.

இதையும் படிங்க:’’தடுப்பூசி பற்றாக்குறையினால் மக்களைத் திருப்பிவிட்டால் போராட்டங்கள் நடக்கும்" - ப. சிதம்பரம் டீவீட்