சென்னை: தமிழ்நாட்டு சட்டப்பேரவையில் ராஜா அண்ணாமலைபுரம், கோவிந்தசாமி நகர், இளங்கோ தெருவில் உள்ள ஆக்கிரமிப்புகள் அகற்றம் தொடர்பாகவும் , மயிலாப்பூரில் ஆக்கிரமிப்புகள் அகற்றத்திற்கு எதிர்ப்புத்தெரிவித்து கண்ணையா என்பவர் தீக்குளித்து உயிரிழந்தது குறித்தும் விவாதிக்கப்பட்டது.
முன்னதாக பேசிய வருவாய்த்துறை அமைச்சர் கே.கே.எஸ்.எஸ்.ஆர்.ராமச்சந்திரன் இனி வரக்கூடிய காலகட்டங்களில் இது போன்ற சம்பவங்கள் நடைபெறாமல் இருக்க அனைத்து மக்கள் நலன் சார்ந்து மறுகுடியமர்வு கொள்கை விதிமுறைகளோடு வகுக்கப்படும் என்றார்.