சென்னை: பெரம்பலூரில் சிறப்பு பொருளாதார மண்டலம் அமைப்பதற்காக குன்னம் மற்றும் வேப்பந்தட்டை கிராமங்களில் 2,937 ஏக்கர் நிலம் 2007 ஆம் ஆண்டு கையகப்படுத்தப்பட்டது. தனியார் நிறுவனத்துடன் இணைந்து தமிழ்நாடு தொழில் வளர்ச்சி கழகம் (டிட்கோ நிறுவனம்) நிலம் கையகப்படுத்தும் பணிகளில் ஈடுபட்டது.
இந்த நிலம் கையகப்படுத்தும் நடவடிக்கையில் முறைகேடுகள் நடந்துள்ளதாக கூறி, தமிழ் தேசிய மக்கள் கட்சியின் நிறுவனத் தலைவர் சிவபாபு சென்னை உயர் நீதிமன்றத்தில் மனுத்தாக்கல் செய்திருந்தார். அதில், "சிறப்பு பொருளாதார மண்டலத்தில் வேலை என்ற வாக்குறுதி கூறி, ஏராளமான விவசாயிகளிடம் இருந்து தனியார் நிறுவனம் நேரடியாக நிலங்களை வாங்கிய போதும், அதில் சிறப்பு பொருளாதார மண்டலம் அமைக்காமல் அந்த நிலங்களை அடமானம் வைத்து வங்கிகளில், சுமார் 1,500 கோடி ரூபாய் கடன் பெற்றுள்ளது.
நில மோசடி