பயங்கரவாதியென கைது செய்யப்பட்டவர் - நேரில் ஆஜராக உத்தரவு!

சென்னை: சந்தேகத்துக்கு இடமான முறையில் நடந்து கொண்டதாக கைது செய்யப்பட்டு பின் விடுவிக்கப்பட்ட கந்தர்ப்ப தாஸை மீண்டும் இன்று காலை சரணடையுமாறு காவல்துறை உத்தரவு பிறப்பித்துள்ளது.

தனியார் மருத்துவமனையில் கட்டுமான வேலை செய்து வருபவர் மேற்குவங்கத்தைச் சேர்ந்த கந்தர்ப்ப தாஸ். இவரின் நடவடிக்கையில் சந்தேகம் ஏற்பட்ட நிலையில் கியூ பிரிவு காவல் துறையினர் இவரை கைது செய்து அண்ணா நகர் காவல் நிலையத்தில் ஒப்படைத்தனர். காவல் துறையினர் இவரிடம் சுமார் 16 மணி விசாரணை நடத்தினர். இதனையடுத்து, சந்தேகத்துக்கு இடமான முறையில் இவர் நடந்து கொள்ளவில்லை என்பது தெரியவந்திருக்கிறது.

இறுதியில், இனி அவ்வாறு நடந்துகொள்ள மாட்டேன் என எழுதிக் கொடுக்கச் சொல்லி வாங்கி கொண்டு காவல்துறையினர் அவரை விடுவித்தனர். இந்நிலையில் கந்தர்ப்ப தாஸை மீண்டும் இன்று காலை அண்ணா நகர் காவல் நிலையத்தில் நேரில் ஆஜராக காவல்துறை உத்தரவு பிறப்பித்துள்ளது.