மறைந்த விஜயகாந்த் குறித்து நடிகர் கமல்ஹாசன் உருக்கம்
சென்னை:தேமுதிக தலைவர் விஜயகாந்த் உடல் நலக்குறைவால் நேற்று உயிரிழந்த நிலையில், அவரது உடல் பொதுமக்கள் அஞ்சலிக்காக தீவுத்திடலில் வைக்கப்பட்டது. பின்னர், அவரது உடல், இன்று மாலை தீவுத்திடலில் இருந்து தேமுதிக தலைமை அலுவலகம் கொண்டு வரப்பட்டு, 72 குண்டுகள் முழங்க அரசு மரியாதையுடன் இறுதிச் சடங்கு நடைபெற்றது.
முன்னதாக, நடிகர் கமலஹாசன் விஜயகாந்த் உடலிற்கு நேரில் அஞ்சலி செலுத்தினார். அப்போது அவர் பேசுகையில், “எளிமை, நட்பு, உழைப்பு, பெருந்தன்மை உள்ளிட்ட வார்த்தைகளை ஒரே மனிதருக்கு மட்டுமே சொல்லலாம் என்றால், அது விஜயகாந்திற்கு மட்டும்தான் பொருந்தும். நட்சத்திர அந்தஸ்து வருவதுக்கு முன்னர் என்னிடம் எப்படி பழகினாரோ, அப்படித்தான் இவ்வளவு உயரம் வந்த பிறகும் பழகினார்.