கரோனா வைரஸ் நோய் பரவாமல் தடுக்க நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. மக்களின் அத்தியாவசிய தேவையான வங்கி சேவைகள் இயங்கும் என மத்திய அரசு அறிவித்துள்ளது. ஆனால் மக்கள் அதிகம் வெளியே செல்ல முடியாமல் தங்கள் பகுதியில் இருக்கும் ஏடிஎம் மையங்களில் நீண்ட வரிசையில் காத்து நின்று பணத்தை எடுத்துச் செல்கின்றனர்.
இந்த நிலையில் மக்கள் வங்கி சேவைக்காக நீண்ட தூரம் செல்வதைத் தவிர்க்கும் விதமாகவும், கூட்டம் கூடுவதைத் தவிர்க்கும் விதமாகவும் இந்தியன் வங்கி நடமாடும் ஏடிஎம் சேவையை சென்னையில் தொடங்கியுள்ளது.
இந்த சேவை வண்ணாரப்பேட்டை, கீழ்பாக்கம் மருத்துவக் கல்லூரி, நுங்கம்பாக்கம் சாஸ்திரி பவன், அண்ணா நகர் ரவுண்டானா, அண்ணா நகர் ஐயப்பன் கோயில், சாலிகிராமம், புரசைவாக்கம், கோடம்பாக்கம் பிஎஸ்என்எல் பிளாட், நெல்சன் மாணிக்கம் சாலை சந்திப்பு ஆகிய இடங்களில் காலை 10 மணி முதல் மதியம் 2 மணி வரை கிடைக்கும்.
இந்தியன் வங்கி நகரும் ஏடிஎம் அடுத்தக் கட்டமாக இதனை மேலும் விரிவுபடுத்த திட்டமிட்டுள்ளதாகவும், திங்கள்கிழமை முதல் இரண்டு நடமாடும் ஏடிஎம் வாகனங்கள் சென்னையை வலம் வரும் என இந்தியன் வங்கி சார்பில் தெரிவிக்கப்பட்டுள்ளது.
