ஸ்டாலினை நேரில் சந்தித்த அரசின் முக்கிய அலுவலர்கள்

தமிழ்நாட்டில் அடுத்ததாக ஆட்சி அமைக்கவுள்ள திமுக தலைவர் மு.க. ஸ்டாலினை, தலைமைச் செயலர், தமிழ்நாடு சுகாதாரத் துறை முதன்மைச் செயலர், டிஜிபி உள்பட பல அரசு அலுவலர்கள் நேரில் சந்தித்து வாழ்த்துத் தெரிவித்துள்ளனர்.

தமிழ்நாடு சட்டப்பேரவைத் தேர்தலில் 150-க்கும் மேற்பட்ட இடங்களில் திமுக முன்னிலை வகித்துவருவதையடுத்து, முக்கிய அரசு அலுவலர்கள் மு.க. ஸ்டாலினைச் சந்தித்து வாழ்த்து தெரிவித்துவருகின்றனர்.

தலைமைச் செயலர் ராஜீவ் ரஞ்சன் வாழ்த்து

இந்நிலையில், சென்னை ஆழ்வார்ப்பேட்டையில் உள்ள இல்லத்தில் திமுக தலைவர் மு.க. ஸ்டாலினை சந்தித்து சுகாதாரத் துறை முதன்மைச் செயலர் ஜெ. ராதாகிருஷ்ணன் வாழ்த்துத் தெரிவித்துள்ளார்.

காவல்துறை டிஜிபி திரிபாதி வாழ்த்து

அதேபோல, தமிழ்நாடு தலைமைச் செயலர் ராஜீவ் ரஞ்சன், காவல் துறைத் தலைவர் திரிபாதி, சென்னை காவல் ஆணையர் மகேஷ் குமார் அகர்வால், டிஜிபி கந்தசாமி, ரயில்வே டிஜிபி சைலேந்திர பாபு, மதுவிலக்கு அமலாக்க ஏடிஜிபி ஷகில் அக்தர், போக்குவரத்து ஐஜி பிரமோத் குமார், சிறப்பு காவல்படை கூடுதல் டிஜிபி ரவி, ஆயுதப் படை கூடுதல் டிஜிபி சங்கர் ஜிவால் உள்ளிட்ட பல்வேறு முக்கிய அலுவலர்கள் சந்தித்து வாழ்த்து தெரிவித்தது குறிப்பிடத்தக்கது.