தேசிய பசுமை தீர்ப்பாய சட்டத்தின்படி, ஐந்து ஆண்டுகள் சுற்றுச்சூழல் விவகாரங்களைக் கையாண்ட அனுபவமில்லாத கிரிஜா வைத்தியநாதனை, தேசிய பசுமைத் தீர்ப்பாயத்தின் நிபுணத்துவ உறுப்பினராக நியமித்துள்ளதாகக் கூறி, அவரது நியமனத்தை எதிர்த்து பூவுலகின் நண்பர்கள் அமைப்பின் சார்பில் சென்னை உயர் நீதிமன்றத்தில் வழக்குத் தொடரப்பட்டது. வழக்கை விசாரித்த உயர் நீதிமன்றம், கிரிஜா வைத்தியநாதன் நியமனத்துக்கு இடைக்காலத் தடைவிதித்து உத்தரவிட்டது.
இந்நிலையில், இவ்வழக்கு தலைமை நீதிபதி சஞ்ஜிப் பானர்ஜி, நீதிபதி செந்தில்குமார் ராமமூர்த்தி அடங்கிய அமர்வில், இன்று மீண்டும் விசாரணைக்கு வந்தது.
அப்போது, கிரிஜா வைத்தியநாதன் தரப்பில் முன்னிலையான வழக்கறிஞர், "தமிழ்நாடு சுகாதாரத் துறைச் செயலராகவும், நில நிர்வாகத் துறைச் செயலராகவும், தலைமைச் செயலராகவும், கிரிஜா வைத்தியநாதன் சுற்றுச்சூழல் விவகாரங்களைக் கவனித்துள்ளதாகக் கூறி அது சம்பந்தமான ஆவணங்களைத் தாக்கல்செய்தார்.