கஞ்சா விற்பனையில் ஈடுபட்ட கேரள இளைஞர்கள் கைது

கஞ்சா விற்பனையில் ஈடுபட்டு வந்த கேரளா மாநிலத்தைச் சேர்ந்த இரண்டு இளைஞர்களை போலீசார் கைது செய்தனர்.

சென்னை: சென்னை கிழக்கு தாம்பரம் பகுதியில் சேலையூர் போலீசார் ரோந்து பணியில் ஈடுபட்டிருந்தனர். அப்போது அவ்வழியாக வந்த இளைஞர்கள் இருவர், போலீசாரை கண்டதும் தப்பியோட முயன்றனர்.

அவர்களை மடக்கிப்பிடித்த போலீசார் விசாரணை மேற்கொண்டனர். அதில், இருவரும் கேரளா மாநிலத்தைச் சேர்ந்த துஷார் (23), ஜித்தின் (24) என்பதும், அவர்கள் திருநீர்மலை பகுதியில் வீடு எடுத்து தங்கி, கஞ்சா விற்பனை செய்து வந்ததும் தெரியவந்தது.

இதையடுத்து அவர்களை கைது செய்த போலீசார், அவர்களிடமிருந்த ஏழு கிலோ கஞ்சாவை பறிமுதல் செய்தனர்.