சென்னை:வங்கக்கடலில் உருவாகியுள்ள மாண்டஸ் புயல் இன்று (டிச.8) அதிகாலை, மணிக்கு 8 கி.மீ. வேகத்தில் நகர்ந்து வந்தது. பின்னர் மணிக்கு 6 கி.மீ. வேகத்தில் நகர்ந்து வந்தது. தற்போது மாண்டஸ் புயலின் வேகம், மணிக்கு 11 கி.மீ. ஆக அதிகரித்துள்ளது.
தென்மேற்கு மற்றும் அதனை ஒட்டிய தென்கிழக்கு வங்கக்கடல் பகுதியில் நிலவிய ஆழ்ந்த காற்றழுத்த மண்டலமானது, நேற்று (டிச.7) புயலாக வலுப்பெற்றது. தென்மேற்கு வங்கக்கடல் பகுதியில், அன்று இரவு 11.30 மணி நிலவரப்படி, காரைக்காலுக்கு கிழக்கு - தென்கிழக்கே 560 கி.மீ. தூரத்திலும், சென்னைக்கு தென்கிழக்கே 640 கி.மீ. தூரத்திலும் நிலைகொண்டிருந்தது.