தமிழ்நாடு

tamil nadu

ETV Bharat / state

கரோனா காலத்தில் சுமார் 490 டன் மருத்துவக் கழிவுகள் அகற்றம் - மருத்துவக் கழிவுகள்

சென்னை: கரோனா காலத்தில் இதுவரை 490.046 டன் மருத்துவக் கழிவுகள் அகற்றப்பட்டுள்ளதாக தமிழ்நாடு மாசுக் கட்டுப்பாட்டு வாரியம் தெரிவித்துள்ளது.

medical
medical

By

Published : Jun 23, 2020, 10:54 PM IST

தமிழ்நாடு மாசுக் கட்டுப்பாட்டு வாரியம் வெளியிட்டுள்ள செய்திக்குறிப்பில், ”தமிழ்நாடு முழுமையாகக் கரோனா தொற்றால் தனிமைப்படுத்தப்பட்ட பகுதிகளான வீடுகள், மருத்துவ ஆய்வகங்கள், மருத்துவமனைகள், உள்ளாட்சி அமைப்புகள் ஆகிய அனைத்திற்கும் மருத்துவக் கழிவுகளை எவ்வாறு கையாள வேண்டும், அவற்றை எவ்வாறு பாதுகாப்பாக வைக்க வேண்டும் உள்ளிட்ட பல்வேறு நடைமுறைகள் குறித்து தேசிய பசுமைத் தீர்ப்பாய வழிகாட்டுதலின்படி அறிவுறுத்தப்பட்டது.

தொடர்ந்து இன்றுவரை பொது மருத்துவமனைகள், ஆய்வகங்கள், தனிமைப்படுத்தப்பட்ட வீடுகளில் சேகரிக்கப்பட்ட கழிவுகள், உள்ளாட்சி அமைப்புகளால் சேகரிக்கப்பட்ட மருத்துவக் கழிவுகள் ஆகியவை மொத்தமாக 490.046 டன் கழிவுகள் முறையாக அகற்றப்பட்டுள்ளன.

இவற்றை எட்டுப் பொது மருத்துவக் கழிவுகள் சுத்திகரிப்பு நிறுவனங்களிலுள்ள எரிப்பானில் 1,200 டிகிரி செல்சியஸ் வெப்பத்தில் எரியூட்டப்பட்டு சாம்பலாக்கப்படுகின்றன. அக்கழிவுகள் கும்மிடிபூண்டி, விருதுநகரில் உள்ள தமிழ்நாடு கழிவு மேலாண்மை நிலையங்களுக்கு அனுப்பப்படுகின்றன. இவ்வாறு கரோனா தொற்று பரவாமல் மருத்துவக் கழிவுகள் அழிக்கப்படுகின்றன” எனக் குறிப்பிடப்பட்டுள்ளது.

இதையும் படிங்க:’மருத்துவக்கழிவு மேலாண்மையை மேம்படுத்த வேண்டியது அவசியம்’

ABOUT THE AUTHOR

...view details