வரலாற்று வெற்றிப் பெற்ற மை டியர் முதலாளிக்கு வாழ்த்துக்கள்: சந்தானம் ட்வீட்!

முதலமைச்சராக பொறுப்பேற்றுள்ள மு.க ஸ்டாலினுக்கும், திமுக இளைஞரணி செயலாளர் உதயநிதி ஸ்டாலின் எம்.எல்.ஏவுக்கும் நடிகர் சந்தானம் வாழ்த்து தெரிவித்து ட்வீட் செய்துள்ளார்.

அண்மையில் நடைபெற்ற சட்டப்பேரவை தேர்தலில் திமுக பெருவாரியான தொகுதிகளில் வெற்றி பெற்று ஆட்சியைக் கைப்பற்றியது. இந்த சூழலில் (மே.7) திமுக தலைவர் மு.க. ஸ்டாலின் தமிழ்நாடு முதலமைச்சராகப் பதவியேற்றுக்கொண்டார். அதனைத் தொடர்ந்து, அவருக்கு பல்வேறு அரசியல் தலைவர்கள், திரைத்துறை பிரபலங்கள் வாழ்த்து தெரிவித்தனர்.

இந்நிலையில், நடிகர் சந்தானம் நேற்று (மே.9) முதலமைச்சர் மு.க.ஸ்டாலின் மற்றும் சட்டப்பேரவை உறுப்பினர் உதயநிதி ஸ்டாலின் ஆகிய இருவருக்கும் வாழ்த்து தெரிவித்து ட்வீட் ஒன்றைப் பதிவிட்டுள்ளார்.

நடிகர் சந்தானம் ட்வீட்

அதில், 'தமிழ்நாடு முதலமைச்சராகப் பதவியேற்றுள்ள மு.க.ஸ்டாலின் மற்றும் என்னுடைய அன்பான முதலாளி உதயநிதி ஸ்டாலினுக்கு நெஞ்சார்ந்த வாழ்த்துக்கள்' என நடிகர் சந்தானம் ட்வீட் செய்துள்ளார்.

உதயநிதி ஸ்டாலினைச் செல்லமாக முதலாளி என அழைத்து வரும் நடிகர் சந்தானம், சேப்பாக்கம் திருவல்லிக்கேணி தொகுதியில் வெற்றி பெற்ற நிலையில், 'வரலாற்று வெற்றி பெற்ற மை டியர் முதலாளிக்கு வாழ்த்துக்கள்' என உதயநிதி ஸ்டாலினை சந்தானம் வாழ்த்தி உள்ளார்.

அதனைத் தொடர்ந்து, நடிகர் சந்தானம் முதலமைச்சர் மு.க ஸ்டாலினையும், உதயநிதி ஸ்டாலின் எம்.எல்.ஏவையும் நேரில் சந்தித்தும் வாழ்த்தினார்.

இதையும் படிங்க:'மன்னவன் கோனோக்கி வாழுங் குடி' - பாலாவின் முதல் ட்வீட்!