சென்னை பல்லாவரத்தை அடுத்த குரோம்பேட்டை ரயில் நிலைய நடைமேடையில் நேற்றிரவு (செப்.3) மூன்று பேர் கொண்ட கும்பல் கஞ்சா புகைத்துக் கொண்டும், மது அருந்திக் கொண்டும் இருந்தனர். அப்போது திடீரென அவர்களுக்குள் தகராறு ஏற்பட்டு, பின்னர் கைகலப்பாக மாறியது. இதைத்தொடர்ந்து, அவர்களில் ஒருவரை மற்ற இருவர் சேர்ந்து கத்தியால் தாக்கிவிட்டு அங்கிருந்து தப்பிச் சென்றுள்ளனர்.
தகவலறிந்து சம்பவ இடத்திற்கு வந்த ரயில்வே காவல்துறையினர், படுகாயமடைந்த நபரை மீட்டு குரோம்பேட்டை அரசு மருத்துவமனையில் சேர்த்தனர். பின்னர் இதுகுறித்து வழக்குப்பதிவு செய்த தாம்பரம் ரயில்வே காவல்துறையினர் விசாரணை மேற்கொண்டனர். விசாரணையில் மருத்துவமனையில் அனுமதிக்கப்பட்ட நபர் குரோம்பேட்டையைச் சேர்ந்த சதீஷ் (26) என்பதும், அவர் அப்பகுதியில் கஞ்சா விற்பனை செய்து வந்ததும் தெரியவந்தது.