கொளத்தூர் தொகுதி மக்கள் சார்பில் 20 ஆக்ஸிஜன் செறிவூட்டிகளை வழங்கிய முதலமைச்சர்

சென்னை: கொளத்தூர் தொகுதி மக்கள் சார்பில் 20 ஆக்ஸிஜன் செறிவூட்டிகளை முதலமைச்சர் மு.க. ஸ்டாலின் சென்னை மாநகர ஆணையர் ககன்தீப் சிங் பேடியிடம் வழங்கினார்.

கரோனா தொற்று பாதிக்கப்பட்டவர்களுக்கு உதவும் வகையில் கொளத்தூர் சட்டபேரவைத் தொகுதி மக்கள் சார்பில் அந்த தொகுதி சட்டப்பேரவை உறுப்பினரும், தமிழ்நாடு முதலமைச்சருமான மு.க. ஸ்டாலின் 20 ஆக்ஸிஜன் செறிவூட்டும் இயந்திரங்களைச் சென்னை மாநகர ஆணையர் ககன் தீப் சிங் பேடியிடம் வழங்கினார்.

சென்னை தலைமைச்செயலகத்தில் நடந்த இந்த நிகழ்வின் போது, மின்சாரம், மதுவிலக்கு மற்றும் ஆயத்தீர்வைத் துறை அமைச்சர் செந்தில் பாலாஜி, இந்து சமய அறநிலையத்துறை அமைச்சர் சேகர் பாபு, அரசு உயர் அலுவலர்கள் உடனிருந்தனர்.

இதையும் படிங்க: 'தொடர் உயிரிழப்புகளுக்குப் பின்பும் தமிழ்நாடு அரசு மெத்தனமாக உள்ளது' - செல்லூர் ராஜு குற்றச்சாட்டு