பனிமூட்டம் காரணமாக விமான சேவைகள் கடும் பாதிப்பு

சென்னை: விமான நிலையம் பகுதியில் இன்று காலை கடுமையான பனிமூட்டம் காரணமாக விமானங்கள் தாமதம் ஆனதால் பயணிகள் கடும் அவதியடைந்தனர்.

சென்னை விமானநிலையம் பகுதியில் இன்று காலை 6.30 மணியிலிருந்து 8 மணிவரை கடுமையான பனிமூட்டம் இறுந்தது. அதன்காரணமாக கோலாலம்பூர், சார்ஜா, திருவனந்தபுரம், மும்பை, பெங்களூரு ஆகிய இடங்களிலிருந்து வரும் விமானங்கள் உள்பட ஏழு விமானங்கள் சென்னையில் தரையிறங்க முடியாமல் பெங்களூருவுக்கு அனுப்பப்பட்டன.

அதைப்போல் சென்னையிலிருந்து டெல்லி, மும்பை, பெங்களூரு, ஹைதராபாத், அந்தமான் உள்ளிட்ட இடங்களுக்குச் செல்லும் 10 விமானங்கள் 2 மணி நேரம்வரை தாமதம் ஏற்பட்டது. இதனால் பயணிகள் கடும் அவதிக்குள்ளாகியுள்ளனர்.

இதையும் படிக்க: மெட்ரோ ரயில் நிலையத்தில் மல்ட்டி லெவல் பார்க்கிங் வசதி.