சென்னை சென்ட்ரல் ரயில் நிலையத்தில் வழக்கமான பாதுகாப்புப் பணியில் ஈடுபட்டிருந்த காவல் துறையினர் அங்கு சந்தேகத்திற்கிடமாக நின்றுகொண்டிருந்த நான்கு பேரை பிடித்து சோதனை மேற்கொண்டதில் அவர்களது இடுப்பில் தங்க பிஸ்கட்டுகள் கட்டி இருந்ததாக கூறப்படுகிறது.
தங்கம் கடத்தல்
அதில் ஒருவரிடம் மட்டும் முறையான ஆவணங்கள் இருப்பதாகக் கூறப்படுகிறது. கைது செய்யப்பட்ட நான்கு பேரும் கேரள மாநிலம் திருச்சூரைச் சேர்ந்த லிஜோ, சனில், புதுகோடு பகுதியைச் சேர்ந்த பிரகாசன், பாலக்காடு பகுதியைச் சேர்ந்த சத்யபாலன் ஆகிய நான்கு பேரையும் கைது செய்து விசாரணை மேற்கொண்டனர். விசாரணையில் சென்னையில் ஒரு நகைக்கடையில் தங்க பிஸ்கட்டுகளை வாங்கிக்கொண்டு கேரளா கொண்டுசென்று அதனை நகைகளாய் மாற்றி விற்பனை செய்வதற்கு எடுத்துச் சென்றதாக அவர்கள் காவல் துறையினரிடம் தெரிவித்தனர்.