Tokyo Olympics : தமிழ்நாடு வீரர் சத்தியன் ஞானசேகரன் தோல்வி

டேபிள் டென்னிஸ் ஒற்றையர் ஆட்டத்தில் தமிழ்நாடு வீரர் சத்தியன் ஞானசேகரன் போராடி தோல்வியடைந்தார்.

டோக்கியோ ஒலிம்பிக் டேபிள் டென்னிஸ் ஆண்கள் ஒற்றையர் இரண்டாம் சுற்றுப் போட்டியில் தமிழ்நாடு வீரர் சத்தியன் ஞானசேகரன் ஹாங் காங் வீரர் சியு ஹாங்கை எதிர்கொண்டார்.

ஆட்டத்தின் முதல் செட்டை ஹாங் காங் வீரரிடம் 7-11 என்று இழந்த சத்தியன், அடுத்த மூன்று செட்களை 11-7, 11-4, 11-5 என வென்றார்.

தொடர்ந்து மூன்று செட்களை இழந்தாலும் மனம் தளராத ஹாங் காங் வீரர் சியு 9-11, 10-12 என ஐந்தாவது மற்றும் ஆறாவது செட்களை கைப்பற்றினார்.

இருவரும் 3-3 என்ற செட் கணக்கில் சமநிலையில் இருந்ததால், ஆட்டத்தை நிர்ணயிக்கும் கடைசி செட்டில் அனல் பறந்தது. இறுதி செட்டை 11-6 என்ற கணக்கில் ஹாங் காங் வீரர் சியு கைப்பற்றினார்.

இதையடுத்து 4-3 என்ற செட் கணக்கில் தோல்வியடைந்து ஒலிம்பிக்கிலிருந்து தமிழ்நாடு வீரர் சத்தியன் வெளியேறினார். ஹாங்காங் வீரர் ஹாங்கிடம் சத்தியன் தோற்பது இதுவே முதல்முறை.

இதையும் படிங்க:Tokyo Olympics: பி வி சிந்து அபார வெற்றி