ஃபெடரரின் சாதனையை முறியடித்த ஜோகோவிச்! - சர்வதேச டென்னிஸ்

சர்வதேச டென்னிஸ் வரலாற்றில் அதிக வாரங்கள் முதலிடத்தை தக்கவைத்துக்கொண்ட வீரர்கள் பட்டியலில் செர்பியாவின் நோவாக் ஜோகோவிச் முதலிடம் பிடித்து சாதனைப் படைத்துள்ளார்.

Watch | Djokovic surpasses Federer record to achieve this milestone

Published : Mar 8, 2021, 4:58 PM IST

சர்வதேச டென்னிஸில் புகழ்பெற்ற வீரராக திகழ்பவர் செர்பியாவைச் சேர்ந்த நோவாக் ஜோகோவிச். சமீபத்தில் நடைபெற்ற ஆஸ்திரேலிய ஓபன் டென்னிஸ் தொடரில் 9ஆவது முறையாக சாம்பியன் பட்டத்தையும் கைப்பற்றி அசத்தினார். இதன் மூலம் சர்வதேச டென்னிஸில் தனது 18ஆவது கிராண்ட்ஸ்லாம் பட்டத்தையும் கைப்பற்றினார்.

இந்நிலையில், சர்வதேச டென்னிஸ் தரவரிசைப் பட்டியலில் அதிக வாரங்கள் முதலிடத்தில் இருந்த வீரர் பட்டியலில் நோவாக் ஜோகோவிச் முதலிடம் பிடித்து சாதித்துள்ளார்.

முன்னதாக சுவிட்சர்லாந்தின் டென்னிஸ் ஜாம்பவான் ரோஜர் ஃபெடரர் 310 வாரங்கள் நம்பர் ஒன் இடத்தில் இருந்ததே சாதனையாக இருந்தது. அதனை தற்போது நோவாக் ஜோகோவிச் 311 வாரங்கள் தரவரிசையில் முதலிடம் பிடித்து முறியடித்துள்ளார்.

டென்னிஸ் தரவரிசையில் முதலிடத்தில் அதிக வாரங்கள் இருந்த வீரர்கள் பட்டியல்