ஆஸ்திரேலியன் ஓபன்: காலிறுதி சுற்றுக்கு முன்னேறினார் நவோமி ஒசாகா!

ஆஸ்திரேலியன் ஓபன் கிராண்ட்ஸ்லாம் டென்னிஸ் தொடரின் மகளிர் ஒற்றையர் பிரிவு காலிறுதி சுற்றுக்கு உலகின் மூன்றாம் நிலை வீராங்கனையான நவோமி ஒசாகா முன்னேறியுள்ளார்.

மெல்போர்னில் நடைபெற்று வரும் ஆஸ்திரேலியன் ஓபன் பேட்மிண்டன் தொடர் இறுதிக்கட்டத்தை எட்டிவிட்டது. இன்று நடைபெற்ற மகளிர் ஒற்றையர் பிரிவு காலிறுதி சுற்றுக்கு முந்தைய ஆட்டத்தில் ஜப்பானின் நவோமி ஒசாகா - ஸ்பெயினின் கார்பைன் முகுருசாவை எதிர்கொண்டார்.

போட்டியில் தொடத்திலேயே அதிரடியான ஆட்டத்தை வெளிப்படுத்திய முகுருசா முதல் செட்டை 6-4 என்ற கணக்கில் கைப்பற்றி ஒசாகாவிற்கு அதிர்ச்சிக் கொடுத்தார். பின்னர் சூதாரித்துக்கொண்ட ஒசாகா சிறப்பாக விளையாடி இரண்டாவது செட்டை 6-4 என்ற கணக்கிலும், மூன்றாவது செட்டை 7-5 என்ற கணக்கிலும் கைப்பற்றி அசத்தினார்.

இதன் மூலம் நவோமி ஒசாகா 4-6, 6-4, 7-5 என்ற செட் கணக்குகளில் கார்பைன் முகுருசாவை வீழ்த்தி, ஆஸ்திரேலியன் ஓபன் டென்னிஸ் தொடரின் காலிறுதி சுற்றுக்கு முன்னேறினார்.

இதையும் படிங்க: ஆஸ்திரேலியன் ஓபன்: பரபரப்பான ஆட்டத்தில் மெத்வதேவ் வெற்றி!