டென்னிஸ்: பயஸ் ஜோடி தோல்வி

பாரீஸ்: பிரெஞ்சு ஓபன் டென்னிஸ் தொடரின், ஆடவர் இரட்டையர் பிரிவு இரண்டாம் சுற்றில் இந்தியாவின் லியாண்டர் பயஸ் ஜோடி அதிர்ச்சி தோல்வி அடைந்தது.

கிராண்ட்ஸ்லாம் டென்னிஸ் தொடர்களில் ஒன்றான பிரெஞ்சு ஓபன் டென்னிஸ் தொடர், ஃபிரான்ஸ் தலைநகர் பாரீஸில் நடைபெற்றுவருகிறது. இதில், ஆடவர் இரட்டையர் பிரிவு இரண்டாம் சுற்றில் இந்தியாவின் லியாண்டர் பயஸ் - பிரான்ஸ்-ன் பெனோய்ட் பைர் (Benoit Paire) ஜோடி, கொலம்பியாவின் செபஸ்டியன் கபால், ராபர்ட் ஃபராஹ் இணையை எதிர்கொண்டது.

இதில், முதல் செட்டை 0-6 என்ற கணக்கில் தோல்வியடைந்த பயஸ் ஜோடி, இரண்டாவது செட்டை 6-4 என கைப்பற்றியது. இதையடுத்து, ஆட்டத்தின் வெற்றியாளரை தீர்மானிக்கும் மூன்றாவது செட்டில் பயஸ் ஜோடி 3-6 என்ற கணக்கில் வீழ்ந்தது.

இதன் மூலம், பயஸ் ஜோடி இப்போட்டியில் 0-6, 6-4, 3-6 என்ற செட் கணக்கில் தோல்வி அடைந்தது.