விம்பிள்டன் டென்னிஸ்: ரோஜர் ஃபெடரர் சாதனை

லண்டன்: விம்பிள்டன் டென்னிஸ் போட்டியின் 3ஆவது சுற்றில் லூகஸ் பவுலியை வீழ்த்தி, ரோஜர் ஃபெடரர் வெற்றி பெற்றார்.

2019ஆம் ஆண்டு விம்பிள்டன் டென்னிஸ் போட்டிகள் இங்கிலாந்து நாட்டில் நடைபெற்று வருகின்றன. இதில் நேற்று நடந்த 3ஆவது தகுதிச் சுற்று ஆட்டத்தில், ஸ்விச்சர்லாந்தைச் சேர்ந்த ரோஜர் ஃபெடரர், துபாய் வீரர் லூகஸ் பவுலியை வீழ்த்தினார்.

2 மணிநேரம் 6 நிமிடம் நீடித்த இந்த போட்டியில், லூகாஸ் பவுலியை 7-5, 6-2, 7-6 என்ற நேர் செட்கணக்கில் வீழ்த்தி ரோஜர் ஃபெடரர் 4ஆவது சுற்றுக்கு தகுதி பெற்றார்.

350-வது கிரண்ட்ஸ்லாம் வெற்றியை பெற்ற முதல் நபர் என்ற சாதனையை படைத்துள்ளார் ரோஜர் ஃபெடரர்

இந்த வெற்றியின் மூலம் 350ஆவது கிரண்ட்ஸ்லாம் வெற்றியை பெற்ற முதல் நபர் என்ற சாதனையை படைத்துள்ளார். இதன்மூலம் ரோஜர் ஃபெடரர் தனது 98-வது விம்பிள்டன் வெற்றியை பதிவு செய்துள்ளார்.