ஆடவர்களுக்கான டென்னிஸ் ஒற்றையர் சுற்று தரவரிசைப் பட்டியலை ஏடிபி வெளியிட்டுள்ளது. இதில், இந்திய வீரர் பிரேஜ்னேஷ் குணேஸ்வரன் தனது வாழ்நாளில் முதல்முறையாக 84ஆவது இடத்தைப் பிடித்து அசத்தியுள்ளார்.
சமீபத்தில் நடைபெற்ற இந்தியன்வெல்ஸ் ஓபன் தொடரில் இவர் சிறப்பான ஆட்டத்தை வெளிப்படுத்தினார். குறிப்பாக, தரவரிசையில் 18ஆம் நிலை வீரரான நிக்கோலோஸ் பஷிலாஸ்விலியை இவர் வீழ்த்தியதன் மூலம் 61 புள்ளிகளை பெற்றார். இதனால் இவர் தரவரிசையில் 97ஆவது இடத்தில் இருந்து தற்போது 84ஆவது இடத்தை பிடித்துள்ளார்.