நடப்பு ஆண்டின் முதல் கிராண்ட்ஸ்லாம் டென்னிஸ் தொடரான ஆஸ்திரேலிய ஓபன் தொடர் மெல்போர்னில் நடைபெற்றுவருகிறது. இதில், மகளிர் ஒற்றையர் பிரிவில் துனிஷியாவைச் சேர்ந்த அரேபிய வீராங்கனை ஆன்ஸ் ஜபர் (Ons Jabeur) பங்கேற்று தனது சிறப்பான ஆட்டத்தை வெளிப்படுத்திவருகிறார்.
இந்நிலையில், மகளிர் ஒற்றையர் பிரிவின் நான்காம் போட்டியில் அவர், சீனாவின் வாங் கியாங்குடன் பலப்பரீட்சை நடத்தினார். பரபரப்பாக நடைபெற்ற இப்போட்டியில் தனது சிறப்பான ஆட்டத்தை வெளிப்படுத்திய ஜபர், 7-6(4), 6-1 என்ற நேர் செட் கணக்கில் வீழ்த்தி காலிறுதிச் சுற்றுக்கு முன்னேறினார்.