மியாமி ஓபன் டென்னிஸ்: காலிறுதிக்கு முன்னேறிய கெவின் ஆண்டர்சன்!

ஃப்ளோரிடா : மியாமி ஓபன் டென்னிஸ் தொடரின் ஆண்கள் ஒற்றையர் பிரிவில் ஜோர்டன் தாம்சனை வீழ்த்தி நட்சத்திர வீரர் கெவின் ஆண்டர்சன் காலிறுதி சுற்றுக்கு தகுதி பெற்றுள்ளார்.

மியாமி ஓபன் டென்னிஸ் தொடர் ப்ளோரிடாவில் நடைபெற்று வருகிறது. இதன் ஆண்கள் ஒற்றையர் பிரிவு போட்டியின் நான்காவது சுற்றில் ஆஸ்திரேலிய வீரர் ஜோர்டன் தாம்சன் - தென்னாப்பிரிக்க வீரர் கெவின் ஆண்டர்சன் மோதினர்.

இந்தப் போட்டியில் தொடக்கம் முதலே அதிரடியாக ஆடிய நட்சத்திர வீரர் ஆண்டர்சன் 7-5, 7-5 என நேர் செட்களில் ஆஸ்திரேலிய வீரர் தாம்சனை வீழ்த்தி காலிறிதி சுற்றுக்கு தகுதி பெற்றார்.

சில நாட்களாக ஃபார்மின்றி தவித்து வந்த நட்சத்திர வீரர் ஆண்டர்சனுக்கு இந்த தொடர் சிறப்பாக அமைந்துள்ளதால் ரசிகர்கள் கொண்டாடி வருகின்றனர்.

மேலும், சுவிஸ் நட்சத்திர வீரர் ஃபெடரர் - டேனில் மேத்வெதேவ் இடையேயான போட்டி மழையால் நாளை நடைபெறும் என்றுஅறிவிக்கப்பட்டுள்ளது.