டென்னிஸ் ரசிகர்களால் மிகவும் ஆவலுடன் எதிர்பார்க்கப்பட்ட 2019ஆம் ஆண்டுக்கான பிரெஞ்சு ஓபன் டென்னிஸ் கிராண்ட்ஸ்லாம் தொடர் ஃபிரான்ஸ் நாட்டின் பாரிஸ் நகரில் தொடங்கியுள்ளது. களிமண் தரை ஆடுகளங்களில் பாரம்பரியமாக ஆடப்பட்டுவரும் இந்த தொடருக்கு உலகின் பல்வேறு நாடுகளிலும் ரசிகர்கள் எதிர்பார்த்துள்ளனர்.
ஆண்கள் ஒற்றையர் பிரிவின் தகுதிச்சுற்று போட்டிகள் முடிந்து முதல் சுற்றுப்போட்டிகள் இன்று தொடங்கியுள்ள நிலையில் நட்சத்திர வீரர் ரோஜர் ஃபெடரரை எதிர்த்து இத்தாலியின் லாரென்சோ (lorenzo) ஆடினார். இதில் முதல் செட்டை 6-2 என அதிரடியாகக் கைப்பற்றிய ஃபெடரர், இரண்டாம் செட்டை 6-4 எனக் கைப்பற்றினார். இதனையடுத்து நடைபெற்ற மூன்றாவது சுற்றில் 6-4 எனக் கைப்பற்றி இரண்டாவது சுற்றுக்கு முன்னேறினார்.