பிரெஞ்ச் ஓபன்: சாம்பியன் பட்டத்தைக் கைப்பற்றினார் ஸ்வியாடெக்!

பிரெஞ்ச் ஓபன் மகளிர் ஒற்றையர் பிரிவு இறுதிச்சுற்றில் போலாந்தின் ஈகா ஸ்வியாடெக் வெற்றிபெற்று சாம்பியன் பட்டத்தைக் கைப்பற்றி அசத்தினார்.

டென்னிஸ் விளையாட்டின் மிகப்பிரபலமான தொடரான பிரெஞ்ச் ஓபன் தொடர், அந்நாட்டின் பல்வேறு நகரங்களில் நடைபெற்றுவருகிறது. இதில் இன்று (அக்.10) மகளிர் ஒற்றையர் பிரிவு இறுதிச்சுற்றுப் போட்டி நடைபெற்றது.

இப்போட்டியில் அமெரிக்காவின் சோஃபியா கெனின் - போலாந்தின் ஈகா ஸ்வியாடெக் நேருக்கு நேராக மோதினர். இதில் தொடக்க முதல் அதிரடியாக விளையாடிய ஸ்வியாடெக் 6-4, 6-1 என்ற கணக்கில் அடுத்தடுத்த செட்டை கைப்பற்றி கெனினுக்கு அதிர்ச்சியளித்தார்.

இதன் மூலன் பிரெஞ்ச் ஓபன் டென்னிஸ் தொடரின் இறுதிச்சுற்று ஆட்டத்தில் போலாந்தின் ஈகா ஸ்வியாடெக் 6-4, 6-1 என்ற நேர் செட் கணக்கில் அமெரிக்காவின் சோஃபியா கெனினை வீழ்த்தி சாம்பியன் பட்டத்தைக் கைப்பற்றினார்.

இதன் மூலம் ஈகா ஸ்வியாடெக் போலாந்து சார்பில் கிராண்ட்ஸ்லாம் பட்டம் வெல்லும் முதல் வீராங்கனை என்ற சாதனையைப் படைத்து அசத்தியுள்ளார்.

இதையும் படிங்க:கேரளாவின் முன்னாள் கிரிக்கெட் வீரர் தூக்கிட்டுத் தற்கொலை!