மியாமி மாஸ்டர்ஸ் ஓபன் டென்னிஸ் தொடர் ஃபுளோரிடாவில் அண்மையில் நடந்தது. இதில், ஆடவருக்கான ஒற்றையர் பிரிவில் சுவிட்சர்லாந்து நாட்டின் நட்சத்திர வீரர் ரோஜர் ஃபெடரர், அமெரிக்க வீரர் ஜான் இஸ்னரை வீழ்த்தி சாம்பியன் பட்டம் வென்றார்.
இதன் மூலம் ஃபெடரர் தனது 101ஆவது பட்டத்தை வென்று டென்னிசில் அசைக்க முடியாத அளவிற்கு சிறந்த வீரராக திகழ்கிறார். இந்நிலையில், ஆடவர் ஒற்றையர் பிரிவுக்கான தரவரிசைப் பட்டியலை ஏடிபி வெளியிட்டுள்ளது.
இதில், ஃபெடரர் மியாமி ஓபன் தொடரை வென்றதன் மூலம் ஐந்தாவது இடத்தில் இருந்து நான்காவது இடத்துக்கு முன்னேறியுள்ளார். அதேசமயம், நான்காவது இடத்தில் இருந்த டோமினிக் தீம் தற்போது ஐந்தாவது இடத்துக்கு தள்ளப்பட்டுள்ளார்.
இதில், செர்பிய வீரர் ஜோகோவிச் முதலிடத்திலும், ஸ்பெயினின் நடால் இரண்டாவது இடத்திலும், ஜெர்மனியின் அலெக்சாண்டர் ஸ்வெரேவ் மூன்றாவது இடத்திலும் உள்ளனர்.
தரவரிசைப் பட்டியல் விவரம்: