ஆஸ்திரேலிய ஓபன் தகுதிச்சுற்றிலேயே வெளியேறிய குணேஸ்வரன்!

மெல்போர்ன்: இந்தியாவின் பிரஜ்னேஷ் குணேஸ்வரன் தகுதிச்சுற்று போட்டியில் தோல்வியடைந்ததால், ஆஸ்திரேலிய ஓபன் டென்னிஸ் தொடரிலிருந்து வெளியேறினார்.

2020ஆம் ஆண்டுக்கான ஆஸ்திரேலியா ஓபன் டென்னிஸ் தொடர் ஜனவரி 20ஆம் தேதி தொடங்கவுள்ளது. இதற்கு முன்னதாக ஆஸ்திரேலிய ஓபனுக்கான தகுதிச்சுற்று போட்டிகள் நடந்துவருகின்றன.

அந்த தகுதிச்சுற்று போட்டியில் இந்தியாவின் குணேஸ்வரன் கலந்துகொண்டார். இதன் கடைசி தகுதிச்சுற்றில் லாட்வியாவின் எர்னஸ்ட் குல்பிஸை எதிர்த்து ஆடினார். இந்தப் போட்டியின் முதல் செட் ஆட்டத்தில் இரு வீரர்களும் சிறப்பாக ஆடியதால், டை ப்ரேக்கர் வரை சென்றது. டை ப்ரேக்கரின் தொடக்கத்திலேயே இந்திய வீரர் எதிரணி வீரருக்கு முன்னிலை கொடுக்க, முதல் செட் ஆட்டம் கையைவிட்டு சென்றது. அதையடுத்து 7-6 என்ற கணக்கில் முதல் செட்டை எர்னஸ்ட் கைப்பற்றினார்.

அதையடுத்து நடந்த இரண்டாவது செட் ஆட்டத்தின் தொடக்கத்திலேயே 3-0 என எர்னஸ்ட் முன்னிலை வகிக்க, இறுதியாக 6-2 என லாட்வியா நாட்டு வீரர் ஆட்டத்தை கைப்பற்றினார். இந்த ஆட்டம் ஒருமணி நேரம் 20 நிமிடங்கள் வரை நீடித்தது. இந்தத் தோவ்லியால் இந்திய வீரர் பிரஜ்னேஷ் குணேஸ்வரன் ஆஸ்திரேலிய ஓபன் தொடரிலிருந்து வெளியேறினார்.

இதையும் படிங்க: இந்திய அணிக்கு 5 ரன்கள் அபராதம் விதிக்கப்பட்டு திரும்ப பெறப்பட்டது!