ஏஞ்சலிக் கெர்பருக்கு அதிர்ச்சி கொடுத்த அனஸ்டேசியா!

மெல்போர்ன்: ஆஸ்திரேலியன் ஓபன் டென்னிஸ் தொடரின் மகளிர் ஒற்றையர் பிரிவின் நான்காவது சுற்றில் கெர்பரை வீழ்த்தி ரஷ்ய வீராங்கனை அனஸ்டேசியா காலிறுதிக்கு தகுதிபெற்றார்.

ஆஸ்திரேலியன் ஓபன் டென்னிஸ் தொடரின் மகளிர் ஒற்றையர் பிரிவின் நான்காவது சுற்று ஆட்டத்தில் நட்சத்திர ஜெர்மன் வீராங்கனை ஏஞ்சலிக் கெர்பரை எதிர்த்து ரஷ்ய வீராங்கனை அனஸ்டேசியா ஆடினார்.

இந்தப் போட்டியின் முதல் செட் ஆட்டத்தில் அபாரமாக ஆடிய இரு வீராங்கனைகளும் 6-6 என்ற புள்ளிகளை எட்டினர். இதையடுத்து நடந்த டை ப்ரேக்கர் மூலம் கெர்பர் 7-6 (7-5) என முதல் செட்டைக் கைப்பற்றினார். பின்னர் இரண்டாவது செட் ஆட்டம் மீண்டும் டை ப்ரேக்கர் வரை சென்றது.

அனஸ்டேசியா

இதில் சிறப்பாக விளையாடிய அனஸ்டேசியா 7-6 (7-4) என இரண்டாவது செட்டைக் கைப்பற்றினார். பின்னர் நடந்த மூன்றாவது செட் ஆட்டத்தில் அபாரமாக ஆடிய அனஸ்டேசியா 6-2 என ஆட்டத்தைக் கைப்பற்றி போட்டியில் வெற்றிபெற்றார். இந்த வெற்றியையடுத்து ஆஸ்திரேலியன் ஓபன் தொடரின் காலிறுதிப் போட்டிக்கு அனஸ்டேசியா தகுதிபெற்றார்.

இதையும் படிங்க: போராடிய மெத்வதேவ்; காலிறுதிக்கு முன்னேறிய வாவ்ரிங்கா!