திருச்சியில் தேசிய அளவிலான செஸ் போட்டி இன்று தொடக்கம்!

திருச்சி: பிரபல தனியார் பள்ளியின் 50 ஆம் ஆண்டு பொன்விழாவை முன்னிட்டு தேசிய அளவிலான செஸ் போட்டிகள் திருச்சியில் இன்று தொடங்கியது.

திருச்சி தில்லைநகர் பகுதியிலுள்ள பிரபல தனியார் பள்ளியின் 50 ஆம் ஆண்டு பொன்விழாவை முன்னிட்டு தேசிய அளவிலான செஸ் போட்டி இன்று தொடங்கியது. இந்தப் போட்டியானது அப்பள்ளியின் வளாகத்தில் நடைபெற்றது.

இதில் தமிழ்நாடு, ஆந்திரா, தெலங்கானா, கர்நாடகா, கேரளா, மகாராஷ்டிரா உட்பட 8 மாநிலங்களைச் சேர்ந்த செஸ் வீரர்கள் மற்றும் வீராங்கனைகள் கலந்துகொண்டுள்ளனர். மேலும் இப்போட்டிகளில் ஐசிஎப், வங்கி அணிகளும் கலந்துகொள்கின்றன.

இதில் வெற்றிபெறுவோருக்கு முதல் பரிசாக 5 லட்சம் ரூபாய் வழங்கப்படுகிறது. மேலும் இப்போட்டிகளில் வெற்றியாளர்களுக்கு 50 கிராம் தங்க நாணயம், 420 கிராம் வெள்ளி நாணயங்கள் வழங்கப்படுகிறது. இதில் மொத்தம் 630 பேர் கலந்துகொண்டுள்ளனர். இந்தப் போட்டி இன்று முதல் 4 நாட்கள் நடக்கவுள்ளதாக போட்டி ஏற்பாட்டாளர்கள் தெரிவித்துள்ளனர்.

இதையும் படிங்க:'நான் இருக்கப்போ விளையாடிருந்தா ஸ்மித்தை காயப்படுத்தியிருப்பேன்' - சோயப் அக்தர்