சீனாவில் பரவத் தொடங்கிய கோவிட்-19, அந்நாட்டில் தற்போது குறைந்திருந்தாலும் மற்ற நாடுகளில் வேகமாக பரவிவருகிறது. இதுவரை உலகளவில் கோவிட்-19 நோய்க்கு,14 லட்சத்திற்கும் மேற்பட்டோர் பாதிக்கப்பட்டுள்ள நிலையில், 80 ஆயிரத்திற்கும் மேற்பட்டோர் உயிரிழந்துள்ளனர்.
இதனிடையே, கரோனா வைரஸ் தொற்றால் பாதிக்கப்பட்டு சூரிச் நகரில் உள்ள மருத்துவமனையில் அனுமதிக்கப்பட்டிருந்த சுவிட்சர்லாந்து அணியின் முன்னாள் ஐஸ் ஹாக்கி வீரர் ரோஜர் சாப்போ கடந்த இரண்டு வாரங்களுக்கு முன்பு வீடு திரும்பினார். இதையடுத்து, கடந்த ஏப்ரல் 1ஆம் தேதி இவரது உடல்நலம் மோசமான நிலையை எட்டியதால், இவர் தீவிர சிகிச்சைப் பிரிவுக்கு அனுமதிக்கப்பட்டு சிகிச்சை பெற்றுவந்தார்.