கிரிக்கெட்டிற்கு இந்தியாவில் ஐபிஎல் தொடரைப் போலவே கால்பந்துப் போட்டிக்கும் இந்தியன் சூப்பர் லீக், ஐ லீக் ஆகிய தொடர்கள் நடத்தப்பட்டு வருகின்றன. இந்நிலையில் ஆசியக் கால்பந்து கூட்டமைப்பு இந்த இரு தொடர்களிலும் பங்கேற்கும் அணிகளுக்கு மகிழ்ச்சியான செய்தி ஒன்றைத் தெரிவித்துள்ளது.
இதுகுறித்து ஆசியக் கால்பந்து கூட்டமைப்பு வெளியிட்ட செய்தி அறிக்கையில், '2019-20ஆம் ஆண்டு சீசனுக்கான இந்தியன் சூப்பர் லீக், ஐ லீக் தொடரில் முதலிடம் பிடிக்கும் அணிகள் 2021ஆம் ஆண்டு நடைபெறவுள்ள ஆசிய சாம்பியன்ஸ் லீக் தொடருக்கு நேரடியாகத் தகுதி பெறும்' என அறிவிக்கப்பட்டுள்ளது.