இந்திய அணியின் தொடக்க ஆட்டக்காரரான ரோஹித் சர்மா, தனது சாதனைப் புத்தகத்தில் புதிய சாதனை ஒன்றை இன்று பதித்துள்ளார்.
டெஸ்ட், டி20, ஒருநாள் என அனைத்து விதமான போட்டிகளிலும் சர்வதேச அளவில் ஜொலிப்பவர், ரோஹித் சர்மா. பல போட்டிகளில், நிலைத்து நின்று ஆடி இந்திய அணியை வெற்றிப்பாதைக்குக் கொண்டு சென்றிருக்கிறார்.
15 ஆயிரம் ஓட்டங்களைக் கடந்து சாதனை
தற்போது, இங்கிலாந்துக்கு எதிரான 5 ஆட்டங்கள் கொண்ட டெஸ்ட் தொடரில், இந்திய அணி விளையாடி வருகிறது. மூன்று ஆட்டங்கள் நிறைவடைந்துள்ள நிலையில், 4ஆவது டெஸ்ட் போட்டி, ஓவல் மைதானத்தில் நடைபெற்று வருகிறது.
இன்று தனது ஆட்டத்தைத் தொடங்கிய ரோஹித், சர்வதேசப் போட்டிகளில் 15 ஆயிரம் ரன்களைக் கடந்து சாதனைப் படைத்துள்ளார்.