ஹைதராபாத்: 2023 ஐசிசி ஒருநாள் உலகக் கோப்பையின் 13வது எடிஷன் இந்தியாவில் வரும் அக்டோபர் 5ம் தேதி முதல் நவம்பர் 19ஆம் தேதி வரை நடைபெற உள்ளது. இதில் இந்தியா, ஆஸ்திரேலியா, இங்கிலாந்து, தென் ஆப்பிரிக்கா, ஆப்கானிஸ்தான், நியூசிலாந்து, இலங்கை, நெதர்லாந்து, பாகிஸ்தான், வங்கதேசம் உட்பட 10 அணிகள் விளையாட உள்ளது.
இந்நிலையில், 18 பேர் கொண்ட உத்தேச அணியை ஆஸ்திரேலியா அறிவித்துள்ளது. இந்த அணியில் மார்னஸ் லபுசன் இடம் பெறவில்லை. உலகக்கோப்பைத் தொடரின் முதல் போட்டியாக சென்னை சேப்பாக்கம் மைதானத்தில் இந்தியாவுக்கு எதிராக விளையாட உள்ளது. ஆஸ்திரேலியா அணி இதுவரை 1987, 1999, 2003, 2007, 2015 என ஐந்து முறை ஒருநாள் உலகக் கோப்பையை வென்றுள்ளது குறிப்பிடத்தக்கது.
ஒரு நாள் உலகக் கோப்பை தொடங்குவதற்கு முன்பு, இந்த அணி தென் ஆப்பிரிக்கா அணியுடன் 5 மற்றும் இந்தியாவுடன் 3 ஒருநாள் போட்டிகளில் மோத உள்ளது. இதில் தென் ஆப்பிரிக்காவுக்கு எதிரான ஒரு நாள் தொடர் செப்டம்பர் 7ம் தேதி தொடங்குகிறது. இந்த தொடரில் ஆல் ரவுண்டர் கிளென் மேக்ஸ்வெல் அணியில் இடம்பெற மாட்டார்.
அதே நேரத்தில் ஆஷஸ் கடைசி டெஸ்டின்போது காயம் ஏற்பட்ட ஆஸ்திரேலிய கேப்டன் பேட் கம்மின்ஸ், இந்தியா சுற்றுப்பயணம் தயாராகும் விதத்தில் தென் ஆப்பிரிக்கா ஒரு நாள் தொடரில் இணைவார். இவர் இல்லாத அதே அணிக்கு எதிரான டி20 தொடரில் மிட்செல் மார்ஸ் கேப்டனாக இருப்பார் என அறிவிக்கப்பட்டுள்ளது.