ஐபிஎல் தொடரின் 21ஆவது லீக் ஆட்டத்தில் பஞ்சாப் கிங்ஸ் - கொல்கத்தா நைட் ரைடர்ஸ் அணிகள் மோதின. அகமதாபாத் நகரில் அமைந்துள்ள நரேந்திர மோடி மைதானத்தில் நடைபெற்ற இப்போட்டியில், முதலில் ஆடிய பஞ்சாப் கிங்ஸ் அணி 20 ஓவர்களில் 9 விக்கெட் இழப்புக்கு 123 ரன்களைச் சேர்த்தது.
கொல்கத்தா நைட் ரைடர்ஸ் தரப்பில் பிரசித் கிருஷ்ணா மூன்று விக்கெட்டுகளையும், பாட் கம்மின்ஸ், சுனில் நரைன் ஆகியோர் தலா 2 விக்கெட்டுகளையும் கைப்பற்றினர்.
124 ரன்கள் சேர்த்தால் வெற்றி என்னும் எளிய இலக்குடன் களமிறங்கிய கொல்கத்தா நைட் ரைடர்ஸ் அணிக்கு, ஆரம்பமே கதிகலங்கச் செய்தது. நட்சத்திர வீரர்களான சுப்மன் கில் 9 ரன்களிலும், நித்திஷ் ராணா, நரைன் டக் அவுட்டாகி நடையைக் கட்டினர்.
வெற்றி புன்னகையில் கேப்டன் மார்கன் கொல்கத்தாவின் தொடர் தோல்வி இதிலும் தொடருமோ என ரசிகர்கள் அஞ்சிய நிலையில், அணியின் கேப்டன் தூணாக மாறினார். நிதானமாக ஆடி, வெற்றிக்கனியைப் பறித்தார்.
கொல்கத்தா நைட் ரைடர்ஸ் அணி 20 பந்துகள் மீதமிருக்கையில் 5 விக்கெட் வித்தியாசத்தில் வெற்றிபெற்றது. . கேப்டன் மோர்கன் 40 பந்துகளில் 47 ரன்களை எடுத்து அவுட்டாகாமல் இருந்தார்.
இந்த வெற்றியின் மூலம் தொடர் தோல்விக்கு முற்றுப்புள்ளி வைத்தது மட்டுமின்றி, கொல்கத்தா நைட் ரைடர்ஸ் அணி புள்ளிப்பட்டியலில் 8ஆவது இடத்திலிருந்து 5ஆவது இடத்துக்கு முன்னேறியது.
இதையும் படிங்க:இந்திய வீரர்கள் ஐபிஎல் போட்டிகளில் பிசியான நேரத்தில் மக்கள் நாயகனாக வலம்வரும் ஆஸி வீரர்!
