மும்பை: ஐபிஎல் தொடரின் 18ஆவது லீக் ஆட்டத்தில், ராஜஸ்தான் ராயல்ஸ் அணியும், கொல்கத்தா நைட் ரைடர்ஸ் அணியும் மோதுகின்றன. இப்போட்டியானது மும்பை வான்கடே மைதானத்தில் நடைபெறுகிறது.
இப்போட்டியில் டாஸ் வென்ற ராஜஸ்தான் ராயல்ஸ் அணியின் கேப்டன் சஞ்சு சாம்சன், கொல்கத்தா நைட் ரைடர்ஸ் அணியை பேட்டிங் செய்ய அழைத்துள்ளார்.
ராஜஸ்தான் அணியைப் பொறுத்தவரை மனன் வோரா, ஸ்ரேயஸ் கோபால் நீக்கப்பட்டு யஷஸ்வி ஜெய்ஸ்வால், ஜெயதேவ் உனத்கட் சேர்க்கப்பட்டுள்ளனர். கொல்கத்தா அணியில் நாகர்கோட்டிக்குப் பதிலாக சிவம் மாவி இன்று விளையாடுகிறார்.