டெல்லி:2022 ஐபிஎல் போட்டியில் லீக் சுற்றின் முடிவில் பஞ்சாப் அணி 6ஆவது இடத்தைப்பிடித்தது. கடந்த நான்கு ஆண்டுகளிலும் பஞ்சாப் அணி 6ஆவது இடத்தையே பிடித்தது. இதுவரை இரு முறை மட்டுமே பிளே ஆஃப்க்கு தகுதி பெற்றுள்ளது. 2018ஆம் ஆண்டு முதல் பஞ்சாப் அணியில் இருந்த மயங்க் அகர்வால், கடந்த சீசனில் அணியின் கேப்டனாக நியமிக்கப்பட்டார்.
இந்த நிலையில், இந்திய கிரிக்கெட் அணியின் மூத்த வீரர்களில் ஒருவரான ஷிகர் தவான், 2023 ஐபிஎல்லில் பஞ்சாப் அணியின் கேப்டனாக நியமிக்கப்படவுள்ளார். அவர் கடந்த சீசனில் பஞ்சாப் அணிக்காக தேர்வு செய்யப்பட்டு சிறப்பாக விளையாடிய நிலையில், இந்த சீசனில் கேப்டனாக நியமிக்கப்படுகிறார்.