2021ஆம் ஆண்டு தொடக்கத்தில் இங்கிலாந்து அணி இந்தியாவில் சுற்றுப்பயணம் செய்து 5 டெஸ்ட் போட்டிகளில் பங்கேற்கவுள்ளது. இதன்பின்னர் ஆகஸ்ட் - செப்டம்பர் மாதங்களில் இந்திய அணி இங்கிலாந்திற்கு சுற்றுப்பயணம் செய்து 5 டெஸ்ட் போட்டிகளில் ஆடவுள்ளது. இதற்கான அட்டவணையை இங்கிலாந்து கிரிக்கெட் வாரியம் வெளியிட்டுள்ளது.
அதனோடு சேர்த்து அடுத்த ஆண்டில் இங்கிலாந்தில் நடக்க கிரிக்கெட் போட்டிகளுக்கான அட்டவணையையும் வெளியிட்டுள்ளது. அதன்படி இங்கிலாந்து - இலங்கை இடையேயான 3 போட்டிகள் கொண்ட ஒருநாள் தொடர் ஜூன் 29 முதல் ஜூலை 4 வரையும், இங்கிலாந்து - பாகிஸ்தான் இடையேயான 3 போட்டிகள் கொண்ட ஒருநாள் தொடர் ஜூலை 10 முதல் 13 வரையும், 3 போட்டிகள் கொண்ட டி20 தொடர் ஜூலை 16 முதல் 20 வரையிலும் நடக்கவுள்ளது.