தம்புள்ளை (இலங்கை):இந்திய மகளிர் அணி தலா 3 போட்டிகள் கொண்ட டி20 தொடரிலும், ஒருநாள் தொடரிலும் விளையாட இலங்கைக்கு சுற்றுப்பயணம் மேற்கொண்டுள்ளது. டி20 தொடரின் முதல் போட்டி இலங்கை மத்திய மாகாணத்தில் உள்ள ரங்கிரி தம்புள்ளை சர்வதேச மைதானத்தில் நேற்று (ஜூன் 23) நடைபெற்றது.
டாஸ் வென்ற பேட்டிங் செய்த இந்திய அணி 139 ரன்களை இலக்காக நிர்ணயித்த நிலையில், இலங்கை அணி 5 விக்கெட்டுகள் இழப்பிற்கு 105 ரன்களை மட்டுமே எடுத்து 34 ரன்கள் வித்தியாசத்தில் தோல்வியை தழுவியது.
அந்த அணியில் கவிஷியா தில்ஹாரி மட்டும் 47 ரன்கள் எடுத்து போராடிய நிலையில் மற்ற வீராங்கனைகள் சொற்ப ரன்களில் ஆட்டமிழந்தனர். இந்திய அணி பந்துவீச்சில் ராதா யாதவ் 2, தீப்தி சர்மா, பூஜா வஸ்தரேகர், ஷஃபாலி வர்மா ஆகியோர் தலா 1 விக்கெட்டை வீழ்த்தினர்.