ஜோகன்னஸ்பெர்க் :தென் ஆப்பிரிக்க சுற்றுப்பயணம் மேற்கொண்டு உள்ள இந்திய அணி தலா 3 போட்டிகள் கொண்ட டி20 மற்றும் ஒருநாள் கிரிக்கெட் மற்றும் இரண்டு போட்டிகள் கொண்ட டெஸ்ட் தொடரில் விளையாடி வருகிறது. டி20 கிரிக்கெட் தொடரி நிறைவு பெற்ற நிலையில், அதில் 1க்கு 1 என்ற கணக்கில் சமனில் முடிந்தது.
இந்நிலையில், இந்தியா - தென் ஆப்பிரிக்க அணிகள் இடையிலான முதலாவது ஒருநாள் கிரிக்கெட் தொடர் இன்று (டிச. 17) ஜோகன்னஸ்பெர்க் மைதானத்தில் நடைபெற்றது. டாஸ் வென்ற தென் ஆப்பிரிக்க அணி பேட்டிங்கை தேர்வு செய்தது. முதலில் விளையாடிய தென் ஆப்பிரிக்க அணியில் வீரர்கள் பெரிய அளவில் சோபிக்கவில்லை.
சொற்ப ரன்களில் அடுத்தடுத்து ஆட்டமிழந்து வெளியேறினர். அதிகபட்சமகா ஆண்டிலே பெஹ்லுக்வாயோ 33 ரன்களும், தொடக்க வீரர் டோனி ஷோர்சி 28 ரன்களும் எடுத்தனர். 27 புள்ளி 3 ஓவர்களில் அந்த அணி 116 ரன்களுக்கு அனைத்து விக்கெட்டுகளையும் இழந்தது. இந்திய வேகப்பந்து வீச்சுக்கு ஈடுகொடுக்க முடியாமல் தென் ஆப்பிரிக்க வீரர்கள் அடுத்தடுத்து ஆடமிழந்து வெளியேறினர்.
இந்திய அணி தரப்பில் அர்ஷ்தீப் சிங் 5 விக்கெட்டும், அவெஷ் கான் 4 விக்கெட்டும், குல்தீப் யாதவ் 1 விக்கெட்டும் வீழத்தினர். தொடர்ந்து இந்திய அணி 117 ரன்கள் வெற்றி இலக்கை நோக்கி விளையாடியது. தொடக்க வீரர் ருதுராஜ் கெய்க்வாட் இந்த முறை சோபிக்கவில்லை. வெறும் 5 ரன்களில் கெய்க்வாட் ஆட்டமிழந்து ஏமாற்றம் அளித்தார்.