பாலிவுட் திரைப்பட பாடல்களுக்கு வெளிநாட்டு கிரிக்கெட் வீரர்கள் நடனமாடுவது வழக்கமாகிவிட்டது. அந்தவகையில், பிரபல இந்தி ரீ-மிக்ஸ் பாடலான 'ஜியா ஹோ ஜியா குச் போல் டோ' என்ற பாடலுக்கு வெஸ்ட் இண்டீஸ் கிரிக்கெட் ஜாம்பவான் கேரி சோபர்ஸ் நடனமாடியுள்ளார்.
பார்படோஸில் நடைபெற்ற இந்திய திருமண நிகழ்ச்சியில் பங்கேற்ற அவர் தனது நடனத் திறனையும் வெளிப்படுத்தியது காண்போரைக் கவர்ந்துள்ளது. இந்தக் காணொலியை அவியேட்டர் அனில் சோப்ரா என்பவர் ட்விட்டரில் பகிர்ந்துள்ளார். 83 வயதிலும் கேரி சோபர்ஸ் ஆடிய நடனத்தை இதுவரை ட்விட்டரில் 53 ஆயிரத்துக்கும் மேற்பட்டோர் பார்த்துள்ளனர்.