இந்தியாவில் சுற்றுப்பயணம் மேற்கொண்டுள்ள வங்கதேச அணி தற்போது டி20 தொடரில் விளையாடி வருகிறது. மூன்று போட்டிகள் கொண்ட இத்தொடரில் ஏற்கனவே இரண்டு போட்டிகள் முடிவடைந்துள்ளன. இதில் முதல் போட்டியை வங்க தேச அணியும், இரண்டாவது போட்டியை இந்திய அணியும் வெற்றி பெற்று தொடரில் 1-1 என சமநிலையைப் பெற்றுள்ளது.
இதற்கிடையே தொடரை வெல்வது யார் என்ற பலத்த எதிர்பார்புடன் நாளை நாக்பூரிலுள்ள விதர்பா கிரிக்கெட் ஸ்டேடியத்தில் மூன்றாவது டி20 போட்டி தொடங்கவுள்ளது. இந்த போட்டியில் ரசிகர்களை ஈர்க்க விதர்பா கிரிக்கெட் சங்கம் ஒரு புது முயற்சியையும் கையாண்டுள்ளது.