வரலாற்று சிறப்பு மிக்க ஆஷஸ் டெஸ்ட் போட்டி எட்பாஸ்டனில் நேற்று தொடங்கியது. இதில் முதலில் டாஸ் வென்ற ஆஸ்திரேலிய அணி பேட்டிங்கைத் தேர்வு செய்தது.
இதையடுத்து ஸ்டீவன் ஸ்மித்தின் சதத்தால் முதல் இன்னிங்ஸில் 284 ரன்களை சேர்த்தது. ஆஸ்திரேலிய அணியின் ஸ்டீவன் ஸ்மித் 144 ரன்களை எடுத்தார். இங்கிலாந்து அணி சார்பில் ஸ்டூவர்ட் பிராட் 5 விக்கெட்டுகளை வீழ்த்தினார்.
அதன்பின் தனது முதல் இன்னிங்சை தொடங்கிய இங்கிலாந்து அணி, முதல் நாள் ஆட்ட நேரமுடிவில் விக்கெட் இழப்பின்றி 10 ரன்களை எடுத்தது. நேற்று தொடங்கிய இரண்டாவது நாள் ஆட்டத்தில் ஏழாவது ஓவரிலேயே ஜேசன் ராய் தனது விக்கெட்டை இழந்தார். அதன் பின் பர்ன்ஸ்வுடன் ஜோடி சேர்ந்த ஜோ ரூட் அணியை வழிநடத்தி சென்றனர்.