நியூசிலாந்தில் சுற்றுப்பயணம் மேற்கொண்டிருக்கும் பாகிஸ்தான் அணி இரண்டு டெஸ்ட் போட்டிகள் அடங்கிய தொடரில் விளையாடிவருகிறது. இதில் இவ்விரு அணிகளுக்கும் இடையேயான முதலாவது டெஸ்ட் போட்டி நேற்று முன்தினம் (டிச.26) மவுண்ட் மாங்குனியில் தொடங்கியது. இப்போட்டியில் டாஸ் வென்ற பாகிஸ்தான் அணி முதலில் பந்துவீசத் தீர்மானித்தது.
இதையடுத்து நியூசிலாந்து அணி தனது முதல் இன்னிங்ஸில் 431 ரன்களுக்கு அனைத்து விக்கெட்டுகளையும் இழந்தது. இதையடுத்து முதல் இன்னிங்ஸைத் தொடங்கிய பாகிஸ்தான் அணி இரண்டாம் நாள் ஆட்டநேர முடிவில் ஒரு விக்கெட்டை இழந்து 30 ரன்களை எடுத்திருந்தது.
அதன்பின் இன்று தொடங்கிய மூன்றாம் நாள் ஆட்டத்தில் அபித் 10 ரன்களுடனும், முகமது அபாஸ் ரன்கள் ஏதுமின்றியும் களத்தில் இன்னிங்ஸைத் தொடர்ந்தனர். ஆட்டம் தொடங்கிய சிறிது நேரத்திலேயே அபித் அலி 25 ரன்களிலும், முகமது அபாஸ் 5 ரன்களிலும் ஆட்டமிழந்து பெவிலியன் திரும்பினர்.