தென் ஆப்பிரிக்காவில் சுற்றுப்பயணம் மேற்கொண்டுள்ள இங்கிலாந்து அணி, தற்போது டெஸ்ட் தொடரில் விளையாடிவருகின்றது. இவ்விரு அணிகளுக்கிடையிலான கடைசி டெஸ்ட் போட்டி ஜோகன்ஸ்பர்க்கில் நடைபெற்று வருகிறது.
இந்தப்போட்டியின் போது தென் ஆப்பிரிக்க அணியின் நட்சத்திர வீரர் வெர்னான் பிலாண்டர், இங்கிலாந்து அணியின் ஜோஸ் பட்லரின் விக்கெட்டை வீழ்த்திய பின், அவரை ஆபாசமாக விமர்ச்சித்துள்ளார். இதனையடுத்து களநடுவர்களான, ஜோயல் வில்சன், புரூஸ் இவரது செயலை ஐசிசியிடம் தெரிவித்தனர்.
இதனையடுத்து ஐசிசியின் ஒழுங்கு நடத்தை விதிகளின்படி, பந்துவீச்சாளர் பேட்ஸ்மேனை வசைபாடுவதோ, அவருடன் வாக்குவாதத்தில் ஈடுபடுவதோ தவறு என்பதால், பிலாண்டருக்கு போட்டி ஊதியத்திலிருந்து 15 சதவிகிதம் அபராதமும், ஒரு மதிப்பிழப்பு புள்ளியையும் வழங்கி உத்திரவிட்டுள்ளது.