2020ஆம் ஆண்டுக்கான பாகிஸ்தான் சூப்பர் லீக் தொடர், அந்நாட்டில் முதல்முறையாக நடைபெற்றுவந்தது. உலகத்தையே அச்சுறுத்திவரும் கரோனா வைரஸால் பல்வேறு விளையாட்டு போட்டிகள் தற்காலிகமாக நிறுத்திவைக்கப்பட்டுள்ளன.இருப்பினும், ஐந்தாவது சீசனான இந்த தொடரின் கடைசி இரண்டு லீக் போட்டிகள் ரசிகர்களின்றி நடைபெற்றன.
இந்தத் தொடரில் பங்கேற்ற சில வெளிநாட்டு வீரர்களும் லீக் சுற்று முடிந்த நிலையில், கோவிட்-19 வைரஸ் காரணமாக தங்களது நாட்டிற்கு திரும்பினர். இதையடுத்து, கரோனா வைரஸால் பிளே ஆஃப் சுற்று முறை, அரையிறுதி போட்டிகளாக மாற்றப்பட்டன.