#PAKvsSL:பாகிஸ்தானில் சுற்றுப்பயணம் மேற்கொண்டுள்ள இலங்கை அணி தற்போது மூன்று டி20 போட்டிகள் கொண்ட தொடரில் விளையாடி வருகின்றது. இதில் நேற்று நடைபெற்ற முதலாவது டி20 போட்டியில் இலங்கை அணி 64 ரன்கள் வித்தியாசத்தில் பாகிஸ்தானை வீழ்த்தி 1-0 என்ற அடிப்படையில் தொடரில் முன்னிலை பெற்றுள்ளது.
நேற்று பாகிஸ்தான் அணி தனது சொந்த மண்ணில் படுதோல்வி அடைந்திருந்தாலும் அந்த அணியின் இளம் வேகப்பந்து வீச்சாளர் முகமது ஹஸ்னைன் டி20 கிரிக்கெட்டில் புதிய உலக சாதனைப் படைத்து அசத்தியுள்ளார்.
அவர் நேற்று நடைபெற்ற போட்டியில் ஹாட்ரிக் விக்கெட்டுகளை வீழ்த்தியதன் மூலம் சர்வதேச டி20 கிரிக்கெட்டில் இளம் வயதில் ஹாட்ரிக் விக்கெட்டுகளைக் கைப்பற்றியவர் என்ற சாதனையைப் படைத்து அனைவரையும் ஆச்சரியத்தில் ஆழ்த்தியுள்ளார்.