ரசிகர்கள் எதிர்பார்க்காதவாறு பல்வேறு திருப்பங்களுடன் இங்கிலாந்து - நியூசிலாந்து அணிகளுக்கு இடையேயான உலகக் கோப்பை ஃபைனல் போட்டி நடைபெற்றது. இதில், ஆட்டம் இரண்டு முறை சமனில் முடிந்ததால், பவுண்ட்ரிகளின் அடிப்படையில் இங்கிலாந்து அணி சாம்பியன் ஆனது. கைக்கு எட்டும் தூரம் வரை வந்து கோப்பையை வெல்ல முடியாத வருத்தத்தில் இருக்கும் நியூசிலாந்து வீரர் ஜிம்மி நீஷமிற்கு மேலும் ஒரு செய்தி சோகத்தில் ஆழ்த்தியுள்ளது.
சூப்பர் ஓவரில் 16 ரன்கள் எடுத்தால் வெற்றி என்ற இலக்குடன் ஜிம்மி நீஷம், கப்தில் ஆகியோர் களமிறங்கினர். ஆர்ச்சர் வீசிய அந்த ஓவரின் இரண்டாவது பந்தில் நீஷம் சிக்சர் அடித்தார். அந்த சமயத்தில், ஜிம்மி நீஷமின் பள்ளி கிரிக்கெட் பயிற்சியாளர் டேவ் கோர்டன் மருத்துவமனையில் தன்னுடைய மூச்சை நிறுவித்திவிட்டதாக அவரது மகள் தெரிவித்தார்.