இந்திய அணியின் கேப்டனும், உலகின் முன்னணி கிரிக்கெட் வீரருமானவர் விராட் கோலி. தனது அசத்தலான பேட்டிங் திறனால் கிரிக்கெட் வரலாற்றில் பல்வேறு சாதனைகளைத் தகர்த்துள்ள விராட் கோலி, சில சமயங்களில் மோசமான ஆட்டத்தையும் வெளிப்படுத்தியுள்ளார்.
அதன்படி ஆஸ்திரேலியாவுக்கு எதிரான மூன்றாவது ஒருநாள் ஆட்டத்தில் இந்திய அணியின் கேப்டன் விராட் கோலி அரைசதம் கடந்து அசத்தினார். தொடர்ந்து சிறப்பான ஆட்டத்தை வெளிப்படுத்திவந்த கோலி, சதமடிப்பார் என எதிர்பார்க்கப்பட்ட நிலையில் 63 ரன்களில் ஆட்டமிழந்து ஏமாற்றமளித்தார். இதன்மூலம் 50 ஓவர்கள் முடிவில் இந்திய அணி ஐந்து விக்கெட்டுகளை இழந்து 302 ரன்களை எடுத்தது.
இதைத்தொடர்ந்து களமிறங்கிய ஆஸ்திரேலிய அணி 49.3 ஓவர்களில் அனைத்து விக்கெட்டுகளையும் இழந்து 289 ரன்களை மட்டுமே எடுத்தது. இதன்மூலம் இந்திய அணி 13 ரன்கள் வித்தியாசத்தில் ஆறுதல் வெற்றிபெற்றது.